LIFE LEMA, LIFE15 ENV/ES/000252 europar proiektuaren barruan (http://lifelema.eu), eta 2018ko abuztuaren amaieran egindako RADPROF kanpainan, 160 egurrezko itsasontzi uretara abiarazi ziren Galiziako Bankuan eta Ipar Atlantikoko ur irekietan (~ 43 º N eta 15,40 º W). Helburua zaborren ustezko ibilbide ezberdinak aztertzea zen, bai Portugaleko kostaldera, bai Mediterraneoan duen intrusioa, bai Ipar Atlantikoko Bira Subtropikala sortzen duten haize eta itsas korronteak jarraituz. 1.700 kilometro baino gehiagoko ibilbidea egin ondoren, 2019ko uztailaren 12an ontzi hauetako lehenengoa aurkitu zen. Zehazki, Ipar Atlantikoaren ur irekietan, 255 zenbakia zuen itxasontzia topatu zuten. Ontzia Alfredok aurkitu zuen, La Graciosa uhartearen ekialdean, La Caleta del Aguardiente-n (Kanariak). Itsasontzi hau margotu zuten haurrek, Unax, Sara, Maialen eta Naiara, 8 eta 9 urte dituzte eta Irungo Txingudi Ikastolako ikasleak dira. Itsasontzian margotu zuten leloa: “Ez bota plastikoak itsasora, arrainek jan eta hil egiten – No echéis plástico al mar, los peces lo comen y mueren”.