Historia, eremuaren deskribapena, neurtutako parametroen interesa
AZTIk Pasaiako Portuko Herrerako kaian dituen instalazioak baliatuta, azken hamar urteotan, zenbait ekipo instalatu dira, eta itsasoaren gainazalaren altuera erregistratu dute iragarpenek ez-ohiko ekaitzez ohartarazten zuten egoeretan (gaur egun ziklogenesi leherkor gisa ezagutzen direnak: Klaus, Herkules, etab.). Ekaitz horietan olatuetatik babestutako eremuetan (kaiak, estuarioak eta ibai-ahoak) urak gainezka egiteko zer arrisku zeuden ebaluatzea zen neurketa horien helburua.
Pasaiako mareografoa 2015ean instalatu zen, eta itsas mailaren garaierari buruzko informazioa biltzen du 5 segundoan behin. Datu intentsibo horien bidez, itsasoaren mailaren seinalean esku hartzen duten prozesuak bereiz daitezke: marea astronomikoa, marea meteorologikoa eta portu-agitazioa.
- Marea astronomikoak jatorri grabitatorioa du. Eguzkiak eta Ilargiak ozeanoko gainazal jariakorrean eragiten duten erakarpenak sortzen du, eta, astroen mugimenduei lotuta dagoenez, aurrerapen handiz iragar daiteke.
- Marea meteorologikoa atmosferak itsasoaren gainazalean eragiten duen efektuak sortzen du, batez ere presio atmosferikoak (antizikloi-egoerekjaitsi egiten dute itsas maila; depresioek, berriz, igo).
- Gainera, eremu babestuetan (badiak, estuarioak, itsasadarrak, portuak, etab) olatuek aldaketak eragiten dituzte itsas mailan, marea astronomikoak eta meteorologikoak eragiten dituztenak baino tarte txikiagokoak; dozenaka segundo batzuen eta minutu batzuen artekoak: portu-agitazioa deritzo horri.
Hiru prozesu horiek —marea astronomikoa, marea meteorologikoa eta portu-agitazioa— eragin handia dute kostaldean, eta gerta daiteke olatuek kostaldea hartzea eta kalteak eragitea itsas denboraleak daudenean.
Sentsore- eta parametro-zerrenda
- Itsas maila totalaren garaiera 5 segundotik behin (aldiuneko maila)
- Osagai astronomikoa aldiuneko itsas mailan.
- Osagai meteorologikoa aldiuneko itsas mailan.
- Portuko agitazioa
Datuak denbora errealean
https://www.euskoos.eus/pasaiako-goi-maiztasuneko-mareografoa/